Ֆրանչիսկոս Քահանայապետի գործունէութիւնը` հանդիպում ''Խաղաղութեան ի սպաս ոտնագունդի
միջկրօնական խաղի'' մարզիկներուն հետ։
Երկուշաբթի, 1 սեպտեմբեր, 2014-ի առաւօտեան, Ֆրանչիսկոս Սրբազան Քահանայապետը իր գրասենեակին
մէջ ընդունեց, Աւագ Դուքսուհի Լիւսսէմպուրկի` Մարիա Թերեզան, ապա ընդունեց Պոզնիա-Էրզիկովինա
եւ Մոնթէնէկրօյի առաքելական նուիրակ` գերապայծառ Լուիճի Փեցցութօ որմէ ետք ունկնդրութիւն
շնորհեց Քամերունի եպիսկոպոսաց համահաւաք դասի եպիսկոպոսներուն, որոնք 1 -6 սեպտեմբեր
հռոմ կը ժամանեն իրենց հնգամեայ կանոնական այցելութիւնները կատարելու Սուրբ Պետրոսի
յաջորդին։ Յետմիջօրէին, ժամը 16-ին, Պօղոս Զ անուան սրահին մէջ, Ֆրանչիսկոս Սրբազան
Քահանայապետը կ՛ընդունի ''խաղաղութեան ի սպաս, ոտնագունդի միջկրօնական խաղի'' մարզիկներն
ու ձեռնարկի կազմակերպչական մարմինը: Յայտնենք թէ այսօր երեկոյեան ժամը 8,30-ին, Հռոմի
''Օլիմփիքօ'' մարզադաշտին մէջ, տեղի կ՛ունենայ ''Խաղաղութեան ի սպաս ոտնագունդի խաղի
միջկրօնական հանդիպում'' մը, նախաձեռնուած` ընդառաջելու Ֆրանչիսկոս Սրբազան Քահանայապետի
խնդրանքին, օգտագործելու մարզանքը ի սպաս խաղաղութեան։ Վերոյիշեալ ձեռնարկը կը դասուի
Նորին Սրբութեան խաղաղութեան ի սպաս առաջարկած այլ ձեռնարկներու ծիրէն ներս, ինչպէս`
Սուրիոյ խաղաղութեան համար աղօթքի հսկումը (7 սեպտեմբեր 2013-ին), Վատիկանի Պարտէզներուն
մէջ Իսրայէլի եւ Պաղեստինեան իշխանութեան նախագահներու ներկայութեամբ` Սուրբ Երկրի խաղաղութեան
համար աղօթքը (8 յունիսի 2014-ին), Իրաքի հալածուած փոքրամասնութիւններուն համար հրատարակած
կոչերն ու թուիթները եւայլն..... Այս առթիւ, Քահանայապետական մշակոյթի խորհուրդը,
1- 3 սեպտեմբեր, Հռոմի մէջ կազմակերպած է միջազգային ուսումնաժողով մը, որուն բնաբանն
է` ''Մարզանքը մարդուն ի սպաս է. Արդիւնքի մշակոյթէն դէպի հանդիպումի մշակոյթը''։ Ուսումնաժողովը
առիթ պիտի հանդիսանայ խորհրդածելու եւ բանակցելու մարզական փորձառութեան` դաստիարակչական,
մշկութային եւ հոգեւոր արժէքի մասին, մարզիչներուն առաջարկելով կազմաւորումի նոր ուղիներ։